आधुनिक, स्वप्नवत सोबतच वसवली पुरातन दुबई.!


          अंतराळात शिरणारा बुर्ज खलिफा, नवा चेहरा २१ कॕरेट सोन्याची फ्रेम, समुद्रात जमीन निर्माण करुन वसवलेलं जुमेराह पाम बीच, सप्त तारांकित बुर्ज अल अरब हाॕटेल, भविष्यकालीन वेध घेणारं अदभूत 'फ्युचर म्युझीयम' अशा आश्चर्यकारक वास्तू निर्माण करुन दुबईने आपली जगात खासियत जपली आहे. त्यासोबतच चक्क पुरातन दुबई वसवून आधुनिकतेला जुन्याची सांगडदेखील घातली आहे.
          आभाळात डोके खुपसणाऱ्या इमारती बांधून जगाचे लक्ष वेधताना जुन्या परंपरेतील, संस्कृतीतील दुबईचे अस्तित्व दाखवणारी वसाहत नवा आयाम देत हुबेहूब साकारली आहे. जसं समुद्रात भर टाकून नवी वसाहत स्थापन केलीय, तसंच आवश्यक तेवढा समुद्राचा प्रवाह गावात आणून त्या काठावर ही पुरातन वसाहत बसवलीय.
         अगदी आपल्याकडे जशी होती, अजूनही काही खेड्यांमध्ये असणारी ही गावसंस्कृती येथे देखील होती, ते यामधून पहायला मिळते. रात्री १२ वाजता येथे पोहोचलो. त्यावेळी दुकाने, बाजारपेठ बंद झाली होती. काही सुरु असणारी हाॕटेल बंद होत होती. मात्र, विजेचा झगमगाट तसाच कायम होता.
       जुन्या काळातील लांबड्या लोखंडी बिजागऱ्यांची लाकडी फळ्यांची दुकानांची खास निर्मिती करुन बाजारपेठ वसवली आहे. खजुराच्या झावळ्यांचे छत असणारी घरे आणि वरच्या मजल्यावर जाणारा लाकडी जिना हा खास 'लुक' देवून उपहारगृहांची बांधणी केलीय. जुन्या काळातील कंदिलालाचे दिवस जाणवण्यासाठी त्याच्यातील विद्युत बल्बच्या प्रकाशात उजळणारे गाव वसवले आहे. दुकानांची, घरांच्या काही ठिकाणी पोपडे उडालेल्या पांढऱ्या मातीच्या दगडी भिंतीची नजाकत वेगळी दर्शवून जाते. टवका उडालेल्या, तडा गेलेल्या, मातीचा अस्तर निघालेल्या भिंतींचे जाणवण्या इतपत दर्शन घडते.
        लाकडी खांबांवर टेकू देवून दुकानासमोरील ताडपत्री पसरलेल्या दुकानांची वेगळी रांग तयार केलीय. या दुकानांमधून सध्या किंमती माल विक्रीस ठेवला आहे. बाजारपेठेतील हमालाची माल वाहून नेणारी हातगाडी थांबलेली दिसली. मासेमारीची जाळी ठेवलेले लाकडी स्टँड आणि त्याखाली ठेवलेले होडीचे नांगर विशेष लक्ष वेधत होते. अशा अनोख्या रचनेतून जुने गाव नव्याने साकारत पर्यटकांसाठी पर्वणी दिलीय.
         पुरातन दुबई साकारताना आतील व्यवहार, वस्तू, खाद्य पदार्थांचे प्रकार, ग्रासक सेवा या मात्र वर्तमान काळातील जपल्या आहेत. भूतकाळ, वर्तमानकाळ आणि भविष्यकाळातील दुबई साकारुन एक नवं वेगळंपण जपलं आहे. वेळेची मर्यादा आणि नियोजित पर्यटन लक्षात घेवून पुन्हा कधितरी या वसाहतीत ग्राहक म्हणून लाभ घेण्यासाठी येवू, असे मनाशी ठरवून आम्ही रात्रीची दुबई न्याहळत हाॕटेलकडे परतलो.
             ©️-प्रशांत सातपुते
p7sons@gmail.com             
           9403464101
https://m.facebook.com/story.php?story_fbid=pfbid0cP1biyqi3He7yjCrbNY6zSABDpm8CxTZRXXyz3HnU7jLNoShfEw1TuZqzfNnB9kGl&id=100001067020937&mibextid=Nif5oz

Comments

Post a Comment

Popular posts from this blog

भैरवगडाच्या पायथ्याशी जिद्दीची पेरणी

Image
तरुणांना प्रेरणा देणारी ७५ वर्षीय शेतकऱ्यांच्या श्रमाची 'नाचणी'       दुर्गम, डोंगर उतारावर, जेथे निराशा आपले तळ ठोकून बसते, तेथेच काही श्रमजीवी हात मातीशी बालपणापासून संवाद साधत आहेत. चिपळूण तालुक्यातील भैरवगडाच्या पायथ्याशी वसलेल्या तळवडे ग्रामपंचायतीमधील पाते या वाडीत दत्ताराम धामणकर (वय ७५), काशिराम निकम (वय ७५), आणि राजाराम धामणकर (वय ५५) या तिघांची कष्टमय गाथा केवळ शेती नाही, तर अखंड जिद्दीचा मंत्र आहे. काही शेतकरी जेव्हा "आमची शेती दुर्गम आहे, पडीक आहे, आता त्यात काही राहिलं नाही," अशी निराशेची भाषा बोलून दाखवतात, तेव्हा याच डोंगरउतारावरील या ज्येष्ठ शेतकऱ्यांचे श्रम विशेषतः युवा पिढीला एक तेजस्वी प्रेरणास्रोत ठरतात.       गावचे पोलीस पाटील बळीराम साळुंखे यांच्यासह या शेतीला प्रत्यक्ष भेट देवून त्यांच्या श्रमाची कहानी जाणून घेतली.                   श्रमाचा महामंत्र:      या तिन्ही शेतकऱ्यांचे जीवन म्हणजे मातीचे अधिष्ठान आणि घामाचे तीर्थ आहे. ते दररोज या कठ...
Read more

स्थानिकांच्या सोबतीनेच रोजगार निर्मिती ; प्राचीन कोकण, मॅजिक गार्डननंतर ‘मैत्रेयी हँडीक्राफ्ट’

Image
      कोकण! जिथे नारळी पोफळीच्या बागा, काजू आंबा फणसाच्या रांगा अशा रांगांमधून होणारे सूर्यास्त दर्शन मनाला भुरळ घालते. निळ्याशार समुद्र, हिरव्यागार डोंगररांगा अशा या सौंदर्याने नटलेल्या कोकणात ‘इथे काम मिळत नाही..काम करायला माणसे मिळत नाहीत’ असा सर्वसाधारण संवाद ऐकायला मिळतो. पण, ही नकारात्मकता झुगारुन याच मातीतल्या माणसांच्या मेहनतीवर गणपतीपुळ्याच्या भूमीत वैभव सरदेसाई यांनी पर्यटनस्थळ उभारणीबरोबरच स्थानिकांच्या हाताला एक नवी कला दिली आहे. स्थानिक माणसांच्या सोबतीने किंबहुना त्यांच्या मेहनतीवरच प्राचीन कोकण, मॅजिक गार्डन या प्रकल्पानंतर लाकडी खेळणी बनविणारा ‘मैत्रेयी हॅडीक्राफ्ट’ हा प्रकल्प सुरु केला आहे.    प्राचीन कोकण-गणपतीपुळे मंदिरापासून अवघ्या काही अंतरावर अवघ्या तीन एकर जागेत 500 वर्षापूर्वीचे कोकण कसे होते हे जिवंत केले आहे. अगदी सुरुवातीलाच गुहेच्या आतमध्ये प्रवेश करण्यापूर्वी सध्याचा कालखंड आणि गुहेतून पुढे प्रवास केल्यानंतर जुने कोकण अनुभवायला मिळते. येथील झाडांची सवर्णन करणारी पाटी केवळ माहिती देत नाही, तर त्या झाडासोबतच्या ...
Read more

स्वप्नापलिकडची एव्हरेस्ट वारी..भाग - ३ काठमांडूहून लुकलाकडे..

Image
      विमानतळाच्या आतमध्ये भगवान गौतम बुद्धांची सोनेरी रंगातील अत्यंत देखणी, आकर्षक मूर्ती लक्ष वेधून घेत होती. तिच्यासमवेत छायाचित्रं टिपून आम्ही सामान घेवून विमानतळाच्या बाहेर आलो.        ज्या 'करवीर हायकर्स'च्या माध्यमातून हा ट्रेक आम्ही सर्वजण करत होतो, त्याची संचालक आणि आमच्या पथकाची नेतृत्त्व करणारी कस्तुरी ही आधीच एक दिवस काठमांडूत आलेली.      वयाच्या २१ व्या वर्षी एव्हरेस्ट सर करणाऱ्या आणि जगातील मृत्यूचा पर्वत अशी ओळख असणारा 'अन्नपूर्णा' पर्वत पार करणारी जगातील सर्वात तरुण कस्तुरी सावेकर हिच्या मार्गदर्शन आणि नेतृत्त्वाखाली आमची ईबीसी मोहीम प्रत्यक्षात उद्यापासून सुरु होणार होती. पुढील १५ दिवस संपूर्ण नियोजन नेपाळमधील 15 पीक अॕडव्हेंचर चे योगेंद्र तमांग हे करणार होते. शिवाय प्रशांत तमांग हे 'गाईड' च्या भूमिकेत असणार होते.         ही सर्व मंडळी आमच्या स्वागतासाठी विमानतळा बाहेर आलेली. योगेंद्र यांनी आणलेले झेंडूचे हार आमच्या प्रत्येकाच्या गळ्यात घालून, त्यांनी अनोखे स्वागत क...
Read more