जगाच्या इतिहासातील अनोखा अविष्कार 'पाम जुमेराह' अन् 'बुर्ज-अल-अरब'


           दुबईबरोबर बुर्ज-खलिफाचे आपसूक नाव सध्या जोडले जात असले तरी, या पूर्वीच जगातील महागड्या हाॕटेलांमधील एक  'बुर्ज-अल-अरब' हाॕटेलमुळे दुबईची जगात आधीच ओळख बनलीय. जगातल्या अनेक  महागड्या शहरांपैकी एक शहर म्हणून दुबई चा उल्लेख होतो. तसेच जगातल्या अनेक उंची आणि महागड्या हाॕटेलपैकी एक हाॕटेल म्हणजे 'बुर्ज-अल-अरब' होय. 'अलिशान' हे विशेषणही त्याच्यासमोर 'टू स्टार' ठरावे, असे हे 'सप्त तारांकित हाॕटेल!
  
           जहाजावरील शिडाच्या आकारातील हे हाॕटेल समुद्रात मानवनिर्मित जमिनीवर उभे राहिले आहे. आतील सजावटीत शुद्ध सोन्याचा अनेक ठिकाणी वापर करण्यात आला आहे. विमानतळावरुन 'रोल्स राईस' ने येणाऱ्या पर्यटकांसाठी असणाऱ्या सोयीबरोबरच थेट हेलिकाॕप्टरने आलेल्या पर्यटकांसाठी पाय उतार होण्यासाठी हाॕटेलच्या वरती खास हेलिपॕडची सुविधा केली आहे. प्रशस्त 'क्रीस्टल क्लिअर' समुद्र हे इथल्या समुद्राचे वैशिष्ट्यं म्हणावे लागेल. शांत, नितळ निळ्याशार समुद्राच्या प्ण्यात मासे दिसत होते. दुबईत जावून किमान या हाॕटेलच्या पार्श्वभूमीवर छबी टिपून घेण्याचा मोह कुणा पर्यटकाला झाला नाही, हे उंबराचे फूल पाहिल्यासारखेच म्हणावे लागेल. आम्ही सर्वांनीही मन भरुन ओसंडेपर्यंत छबी टिपून पुढे निघालो.
        एकीकडे वाळवंट तर दुसरीकडे समुद्र असे भूभाग असणाऱ्या दुबईला कच्च्या तेल 'खनिजा' च्या 'खजिन्या'ने श्रीमंत केले. श्रीमंतीच्या आणि जगातल्या सर्वोत्तम वास्तू रचनाकारांच्या जोरावर समुद्रात पाय रोवत 'कृत्रिम बेट' निर्मिती केली.
        बुर्ज-अल-अरब नंतर 'पाम जुमेराह' हे केवळ बेट निर्माण करुन न थांबता, त्यावर अत्यंत उंची हाॕटेल्स, महागडे बंगले यांची वसाहतच स्थापन केली. हा अविष्कार जगाच्या इतिहासात लक्षात राहणारा आहे.
        समुद्राच्या पाण्यावर 'पाम ट्री आकारात' ही वसाहत निर्माण करणं म्हणजे पाण्यावर रेघोट्या मारुन चित्र काढण्याचा हा प्रकार होता. परंतु, 'अशक्य' हा शब्दच दुबईच्या शब्द कोशात नसल्याने ते केवळ आणि केवळ शक्य केले.
      पाम बीच आयलँडच्या प्रवेशाद्वारातच पाण्यात सूर मारणाऱ्या शार्कच्या शेपटाकडील अर्धवट भागाची प्रतिकृती, त्यावर पाण्याच्या तुषारधारा अशी कल्पकता दर्शवली आहे. येथेच पर्यटक सुखावतो. प्रथमदर्शनी होणाऱ्या या अल्हाददायक स्स्वागताने मनमुराद रमतो.*
      पाम-जुमेराह वसाहतीत अभिनेता शाहरुखचा बंगला असल्याचेही सांगण्यात येते.
      या ठिकाणी असणाऱ्या सर्वच बंगल्यांना सागर किनारा असेल यासाठीच पाम झाडाच्या आकारातील रचना या कृत्रिम बेटात साकारलीय. अवकाशातून पाहिल्यावर हा 'पाम ट्री शेप' दिसतो. नजिकच हाॕटेल अटलांटीस हे दुसरे उंची अन् शानदार हाॕटेल दिसते.या मार्गावरुनच मोनोरेल मार्ग गेला आहे. दुबईत मेट्रो, ट्राम आणि मोनोरेल तीनही वाहतूक यंत्रणा या स्वयंचलित, मानव विरहित आहेत. हा आश्चर्यकारक धक्का होता. इथला पर्यटन अनुभवदेखील मनोमन सुखावून गेला.*
         -©️ प्रशांत सातपुते
p7sons@gmail.com             
           9403464101
https://m.facebook.com/story.php?story_fbid=pfbid02RThbNVEUzhCJaabsA4ipJsQ6xnrCABeGZa4tH9vX33we5qtRpTous7T5ispGdrg4l&id=100001067020937&mibextid=Nif5oz

Comments

Post a Comment

Popular posts from this blog

भैरवगडाच्या पायथ्याशी जिद्दीची पेरणी

Image
तरुणांना प्रेरणा देणारी ७५ वर्षीय शेतकऱ्यांच्या श्रमाची 'नाचणी'       दुर्गम, डोंगर उतारावर, जेथे निराशा आपले तळ ठोकून बसते, तेथेच काही श्रमजीवी हात मातीशी बालपणापासून संवाद साधत आहेत. चिपळूण तालुक्यातील भैरवगडाच्या पायथ्याशी वसलेल्या तळवडे ग्रामपंचायतीमधील पाते या वाडीत दत्ताराम धामणकर (वय ७५), काशिराम निकम (वय ७५), आणि राजाराम धामणकर (वय ५५) या तिघांची कष्टमय गाथा केवळ शेती नाही, तर अखंड जिद्दीचा मंत्र आहे. काही शेतकरी जेव्हा "आमची शेती दुर्गम आहे, पडीक आहे, आता त्यात काही राहिलं नाही," अशी निराशेची भाषा बोलून दाखवतात, तेव्हा याच डोंगरउतारावरील या ज्येष्ठ शेतकऱ्यांचे श्रम विशेषतः युवा पिढीला एक तेजस्वी प्रेरणास्रोत ठरतात.       गावचे पोलीस पाटील बळीराम साळुंखे यांच्यासह या शेतीला प्रत्यक्ष भेट देवून त्यांच्या श्रमाची कहानी जाणून घेतली.                   श्रमाचा महामंत्र:      या तिन्ही शेतकऱ्यांचे जीवन म्हणजे मातीचे अधिष्ठान आणि घामाचे तीर्थ आहे. ते दररोज या कठ...
Read more

स्थानिकांच्या सोबतीनेच रोजगार निर्मिती ; प्राचीन कोकण, मॅजिक गार्डननंतर ‘मैत्रेयी हँडीक्राफ्ट’

Image
      कोकण! जिथे नारळी पोफळीच्या बागा, काजू आंबा फणसाच्या रांगा अशा रांगांमधून होणारे सूर्यास्त दर्शन मनाला भुरळ घालते. निळ्याशार समुद्र, हिरव्यागार डोंगररांगा अशा या सौंदर्याने नटलेल्या कोकणात ‘इथे काम मिळत नाही..काम करायला माणसे मिळत नाहीत’ असा सर्वसाधारण संवाद ऐकायला मिळतो. पण, ही नकारात्मकता झुगारुन याच मातीतल्या माणसांच्या मेहनतीवर गणपतीपुळ्याच्या भूमीत वैभव सरदेसाई यांनी पर्यटनस्थळ उभारणीबरोबरच स्थानिकांच्या हाताला एक नवी कला दिली आहे. स्थानिक माणसांच्या सोबतीने किंबहुना त्यांच्या मेहनतीवरच प्राचीन कोकण, मॅजिक गार्डन या प्रकल्पानंतर लाकडी खेळणी बनविणारा ‘मैत्रेयी हॅडीक्राफ्ट’ हा प्रकल्प सुरु केला आहे.    प्राचीन कोकण-गणपतीपुळे मंदिरापासून अवघ्या काही अंतरावर अवघ्या तीन एकर जागेत 500 वर्षापूर्वीचे कोकण कसे होते हे जिवंत केले आहे. अगदी सुरुवातीलाच गुहेच्या आतमध्ये प्रवेश करण्यापूर्वी सध्याचा कालखंड आणि गुहेतून पुढे प्रवास केल्यानंतर जुने कोकण अनुभवायला मिळते. येथील झाडांची सवर्णन करणारी पाटी केवळ माहिती देत नाही, तर त्या झाडासोबतच्या ...
Read more

स्वप्नापलिकडची एव्हरेस्ट वारी..भाग - ३ काठमांडूहून लुकलाकडे..

Image
      विमानतळाच्या आतमध्ये भगवान गौतम बुद्धांची सोनेरी रंगातील अत्यंत देखणी, आकर्षक मूर्ती लक्ष वेधून घेत होती. तिच्यासमवेत छायाचित्रं टिपून आम्ही सामान घेवून विमानतळाच्या बाहेर आलो.        ज्या 'करवीर हायकर्स'च्या माध्यमातून हा ट्रेक आम्ही सर्वजण करत होतो, त्याची संचालक आणि आमच्या पथकाची नेतृत्त्व करणारी कस्तुरी ही आधीच एक दिवस काठमांडूत आलेली.      वयाच्या २१ व्या वर्षी एव्हरेस्ट सर करणाऱ्या आणि जगातील मृत्यूचा पर्वत अशी ओळख असणारा 'अन्नपूर्णा' पर्वत पार करणारी जगातील सर्वात तरुण कस्तुरी सावेकर हिच्या मार्गदर्शन आणि नेतृत्त्वाखाली आमची ईबीसी मोहीम प्रत्यक्षात उद्यापासून सुरु होणार होती. पुढील १५ दिवस संपूर्ण नियोजन नेपाळमधील 15 पीक अॕडव्हेंचर चे योगेंद्र तमांग हे करणार होते. शिवाय प्रशांत तमांग हे 'गाईड' च्या भूमिकेत असणार होते.         ही सर्व मंडळी आमच्या स्वागतासाठी विमानतळा बाहेर आलेली. योगेंद्र यांनी आणलेले झेंडूचे हार आमच्या प्रत्येकाच्या गळ्यात घालून, त्यांनी अनोखे स्वागत क...
Read more