गोटी सोडा..एक आठवण!

     सायकलचे हँडल पकडून पॕडेल मारत सायकलच्याच दोन चाकांच्या सहाय्याने मागील लाकडी हौद्यात हिरव्या-शेवाळलेल्या डब घातलेल्या बाटल्या घेवून चौका-चौकातील दुकानांपर्यंत पोहचवणारा सोडेवाला संजू (आता आडनाव लक्षात नाही) त्यावेळी पहायला मिळायचा. या डब घातलेल्या बाटल्या म्हणजे "गोटी सोडा" असायचा. या बाटल्यातील 'माने'त विशिष्ट खोबणीची जागा खास गोटी बसण्यासाठी केलेली असायची. ही काचेची गोटी आतमध्ये कशी घालत असत? हा प्रश्न खूपवेळा मला पडायचा. सोड्याने भरलेल्या बाटलीचे तोंड आपसूकपणे ही गोटी बंद ठेवायची. सोडेवाला तिला प्रेशर करुन खाली ढकलताच प्रथम बाहेर येणारा सोडा 'मी येतोय रे..' हा संकेत देणारा आवाज काढायचा.
 त्यानंतर विशिष्ट किणकिणणारा आवाज काढत गुपचूपपणे ही गोटी आपल्या खोबणीवजा गुहेत समाधीस्त होई. अन् बुडबुडे निर्माण करत फेसाळणारा सोडा मोठाल्या काचेच्या पेल्यात उतरत असे. पिणाऱ्याच्या पोटात शिरुन गडप होतानाच, पुन्हा उसळी घेत तृप्तीची ढेकर बाहेर काढी.

        सुरुवातीला अपचन, गॕससारख्या पोटाच्या तक्रारींवर सुरु झालेली सोड्याची औषधी सवय म्हणा अगर प्रवास पुढे उन्हाळ्यात थंडाव्यासाठी आणि ऊर्जेसाठी लिंबू सोडा, भरपेट जेवणानंतर पचनासाठी जलजीरा इथपर्यंत पोहचला.
      महाविद्यालयीन काळात मी, संजय जिरगे आणि कधी-कधी गुरुदास खास गोटी सोडा विशेषतः जलजीरा पिण्यास भजी चौपाटी चौकातील "इंपिरियल सोडा" मध्ये येत असू. हा असा सोडा पिणे त्यावेळी लईच भारी वाटायचं. पुढे प्लास्टिक बाटलीबंद विविध कंपन्यांचा सोडा बाजारात आला. तसा हा गोटी सोडा गायब झाला. त्याला गायब व्हायला आणखी एक कारण म्हणजे दोन गटातील भांडणात सर्रास या सोडा बाटल्यांचा वापर होत असे. काळाच्या ओघात गायब झालेला गोटी सोडा तसा विस्मृतीत गेला. कित्येकदा विविध कंपन्यांचा प्लास्टिक बाटलीतला सोडा पिला. पण, त्यावेळीही विस्मृतीत हरवलेला 'गोटी सोडा' कधी आठवला नाही. अगदी इतका खोल गर्तेत गेलेला.
        काल गगनबावड्यात अचानकपणे समोर गोटी सोड्याचा गाडा दिसला आणि हरवलेली वस्तू सापडून आनंद व्हावा, एखाद्या चुंबकीय शक्तीने खेचून घ्यावे, तशी गाडी त्याबाजूला वळवून थांबलो. सहकारी अधिकारी मित्र दीपक घाटे यांच्यासोबत "जलजीरा" घेतला. सोबत त्याच्याविषयीची चर्चा करतच आम्ही पुढे निघालो. गोटी सोड्याच्या चर्चेत करुळ "घाट" कधीच उतरला होता. आठवणींचा "थाट" मात्र, तसाच उसळत होता. अगदी महाविद्यालयीन काळात पोहचवून..!
                            -प्रशांत सातपुते
                p7sons@gmail.com                 
                9403464101
    https://m.facebook.com/story.php?story_fbid=4508258895886300&id=100001067020937*

Comments

Post a Comment

Popular posts from this blog

भैरवगडाच्या पायथ्याशी जिद्दीची पेरणी

Image
तरुणांना प्रेरणा देणारी ७५ वर्षीय शेतकऱ्यांच्या श्रमाची 'नाचणी'       दुर्गम, डोंगर उतारावर, जेथे निराशा आपले तळ ठोकून बसते, तेथेच काही श्रमजीवी हात मातीशी बालपणापासून संवाद साधत आहेत. चिपळूण तालुक्यातील भैरवगडाच्या पायथ्याशी वसलेल्या तळवडे ग्रामपंचायतीमधील पाते या वाडीत दत्ताराम धामणकर (वय ७५), काशिराम निकम (वय ७५), आणि राजाराम धामणकर (वय ५५) या तिघांची कष्टमय गाथा केवळ शेती नाही, तर अखंड जिद्दीचा मंत्र आहे. काही शेतकरी जेव्हा "आमची शेती दुर्गम आहे, पडीक आहे, आता त्यात काही राहिलं नाही," अशी निराशेची भाषा बोलून दाखवतात, तेव्हा याच डोंगरउतारावरील या ज्येष्ठ शेतकऱ्यांचे श्रम विशेषतः युवा पिढीला एक तेजस्वी प्रेरणास्रोत ठरतात.       गावचे पोलीस पाटील बळीराम साळुंखे यांच्यासह या शेतीला प्रत्यक्ष भेट देवून त्यांच्या श्रमाची कहानी जाणून घेतली.                   श्रमाचा महामंत्र:      या तिन्ही शेतकऱ्यांचे जीवन म्हणजे मातीचे अधिष्ठान आणि घामाचे तीर्थ आहे. ते दररोज या कठ...
Read more

स्थानिकांच्या सोबतीनेच रोजगार निर्मिती ; प्राचीन कोकण, मॅजिक गार्डननंतर ‘मैत्रेयी हँडीक्राफ्ट’

Image
      कोकण! जिथे नारळी पोफळीच्या बागा, काजू आंबा फणसाच्या रांगा अशा रांगांमधून होणारे सूर्यास्त दर्शन मनाला भुरळ घालते. निळ्याशार समुद्र, हिरव्यागार डोंगररांगा अशा या सौंदर्याने नटलेल्या कोकणात ‘इथे काम मिळत नाही..काम करायला माणसे मिळत नाहीत’ असा सर्वसाधारण संवाद ऐकायला मिळतो. पण, ही नकारात्मकता झुगारुन याच मातीतल्या माणसांच्या मेहनतीवर गणपतीपुळ्याच्या भूमीत वैभव सरदेसाई यांनी पर्यटनस्थळ उभारणीबरोबरच स्थानिकांच्या हाताला एक नवी कला दिली आहे. स्थानिक माणसांच्या सोबतीने किंबहुना त्यांच्या मेहनतीवरच प्राचीन कोकण, मॅजिक गार्डन या प्रकल्पानंतर लाकडी खेळणी बनविणारा ‘मैत्रेयी हॅडीक्राफ्ट’ हा प्रकल्प सुरु केला आहे.    प्राचीन कोकण-गणपतीपुळे मंदिरापासून अवघ्या काही अंतरावर अवघ्या तीन एकर जागेत 500 वर्षापूर्वीचे कोकण कसे होते हे जिवंत केले आहे. अगदी सुरुवातीलाच गुहेच्या आतमध्ये प्रवेश करण्यापूर्वी सध्याचा कालखंड आणि गुहेतून पुढे प्रवास केल्यानंतर जुने कोकण अनुभवायला मिळते. येथील झाडांची सवर्णन करणारी पाटी केवळ माहिती देत नाही, तर त्या झाडासोबतच्या ...
Read more

स्वप्नापलिकडची एव्हरेस्ट वारी..भाग - ३ काठमांडूहून लुकलाकडे..

Image
      विमानतळाच्या आतमध्ये भगवान गौतम बुद्धांची सोनेरी रंगातील अत्यंत देखणी, आकर्षक मूर्ती लक्ष वेधून घेत होती. तिच्यासमवेत छायाचित्रं टिपून आम्ही सामान घेवून विमानतळाच्या बाहेर आलो.        ज्या 'करवीर हायकर्स'च्या माध्यमातून हा ट्रेक आम्ही सर्वजण करत होतो, त्याची संचालक आणि आमच्या पथकाची नेतृत्त्व करणारी कस्तुरी ही आधीच एक दिवस काठमांडूत आलेली.      वयाच्या २१ व्या वर्षी एव्हरेस्ट सर करणाऱ्या आणि जगातील मृत्यूचा पर्वत अशी ओळख असणारा 'अन्नपूर्णा' पर्वत पार करणारी जगातील सर्वात तरुण कस्तुरी सावेकर हिच्या मार्गदर्शन आणि नेतृत्त्वाखाली आमची ईबीसी मोहीम प्रत्यक्षात उद्यापासून सुरु होणार होती. पुढील १५ दिवस संपूर्ण नियोजन नेपाळमधील 15 पीक अॕडव्हेंचर चे योगेंद्र तमांग हे करणार होते. शिवाय प्रशांत तमांग हे 'गाईड' च्या भूमिकेत असणार होते.         ही सर्व मंडळी आमच्या स्वागतासाठी विमानतळा बाहेर आलेली. योगेंद्र यांनी आणलेले झेंडूचे हार आमच्या प्रत्येकाच्या गळ्यात घालून, त्यांनी अनोखे स्वागत क...
Read more