चांदीची 'ती' बटने..!

       आठवडाभरापूर्वी सौ च्या वाढदिवसानिमित्त तिचे शिक्षक डाॕ. विजय माने, तिच्या वर्गमैत्रिणी डाॕ. पल्लवी आणि डाॕ. स्नेहल यांच्यासोबत २२ वर्षानंतर छोटेखानी कार्यक्रमात एकत्र आलो होतो. भोजनानंतर डाॕ मानेसरांनी सर्वांना आवर्जून मसाला पान खाऊ घातले. पानवाल्याने ही थंडगार गुलकंदी पाने चांदीच्या आवरणात बांधून ठेवली होती. आवरण उघडून आतील मधूर पानाचा आस्वाद घेतानाच, तांबूल सेवनाची चर्चा करत थेट लिळाचरित्रात पोहोचलो. म्हाईंभट, चक्रधरस्वामी असा प्रवास करत हातातील पानाच्या चांदीच्या आवरणात पुन्हा परतलो.
      लहानपणी मराठी शाळेत आणि अगदी माध्यमिक शाळेतील सुरुवातीच्या काही वर्गात असताना याच चांदीच्या कागदाच्या आठवणीत रममाण झालो. खरंतर हा अॕल्युमिनियमचा पातळ कागद ! परंतु, त्याला रुढ अर्थानं 'चांदीचा कागद' हेच नाव चिकटले आहे.
     ती चर्चा तिथेच संपली. पण, मी मात्र त्या आवरणाभोवतीच फिरत राहिलो. आवरण उघडून आतील मधूर पान तोंडात घालताच आपसूक क्षणभर डोळे मिटावेत आणि त्या तांबूलसेवनात काही काळ हरवून जायला व्हावे. गुलकंदाचा गोडवा थंडगार अन्य साथीदारांसह उदरात खोलवर सरकतानाच बालपणीच्या खोलात दडलेल्या वा हरवलेल्या मधूर-गोड आठवणी चांदीच्या आवरणातून बाहेर पडताहेत.
         गावात कुणा श्रीमंत व्यापाऱ्याच्या लग्नात, गणेशोत्सवात आरास करण्यासाठी आणलेल्या कागदात, वस्तूच्या पॕकींगमधून वा अशाच कुणा मित्राकडे कुठून तरी हा चांदीचा कागद आलेला असायचा. हाच कागद कधी पुस्तकांना आवरणासाठीही वापरत आसू. भले आतील पुस्तक जुने असो पण, चकचकीत आणि उन्हात अधिकच चमकणाऱ्या आवरणात ते विराजमान झालेले असे. वर्गात तो एक वेगळाच रुबाब सांगून जायचा. जडजवाहीर अगदी कोंदणात बसल्यासारखे हे जुने पुस्तक काही काळच स्थानापन्न व्हायचे. अतिशय पातळ कागद असल्याने ते फाटायचे आणि खट्टूपणाचा ओरखडा मनावर उमटायचा.
       मग फाटलेला हा कागद आमची आभुषणे व्हायचा. कधी अंगठी बनून बोटात बसायचा. कधी शाई संपलेल्या बाॕलपेनाने कोरलेले वेगळे लेखन घेवून दर्शनी पडून रहायचा.
      मला आजही आठवतेय, शर्टाच्या बटणांवर हा कागद अगदी बटणांच्या अंगाबरोबर चोपून मी बसवायचो. ही बटने तेव्हा चांदीची दिसायचीत. ती लावून मिरवण्यात त्यावेळी मोठा रुबाब मला वाटायचा.
      फाटलेल्या, तुकडे होवून सापडलेल्या, मिळालेल्या या अॕल्युमिनीयमच्या कागदात चांदीचे समाधान सुखावून जायचे.
       सध्या घरातून निघताना सौ. डबा देते. चपातीची गुंडाळी ही या फाॕईलमध्ये, अॕल्युमिनीयमच्या या कागदामध्ये आवर्जून देते. प्रिय मित्र सचिनने भेट म्हणून चांदीचा पेन दिला. काॕलर पीन, टाय पीन चांदीचे.. 'नवा जमाना..नव्या संकल्पना..' अंगावर कितीही सोन्याचे वा चांदीची आभुषणे घाला मित्रांनो, पण "त्या" चांदीच्या बटनांचा रुबाब नाही मित्रांनो..!
      -प्रशांत सातपुते
p7sons@gmail.com             
     9403464101
    https://m.facebook.com/story.php?story_fbid=4508258895886300&id=100001067020937

Comments

Post a Comment

Popular posts from this blog

भैरवगडाच्या पायथ्याशी जिद्दीची पेरणी

Image
तरुणांना प्रेरणा देणारी ७५ वर्षीय शेतकऱ्यांच्या श्रमाची 'नाचणी'       दुर्गम, डोंगर उतारावर, जेथे निराशा आपले तळ ठोकून बसते, तेथेच काही श्रमजीवी हात मातीशी बालपणापासून संवाद साधत आहेत. चिपळूण तालुक्यातील भैरवगडाच्या पायथ्याशी वसलेल्या तळवडे ग्रामपंचायतीमधील पाते या वाडीत दत्ताराम धामणकर (वय ७५), काशिराम निकम (वय ७५), आणि राजाराम धामणकर (वय ५५) या तिघांची कष्टमय गाथा केवळ शेती नाही, तर अखंड जिद्दीचा मंत्र आहे. काही शेतकरी जेव्हा "आमची शेती दुर्गम आहे, पडीक आहे, आता त्यात काही राहिलं नाही," अशी निराशेची भाषा बोलून दाखवतात, तेव्हा याच डोंगरउतारावरील या ज्येष्ठ शेतकऱ्यांचे श्रम विशेषतः युवा पिढीला एक तेजस्वी प्रेरणास्रोत ठरतात.       गावचे पोलीस पाटील बळीराम साळुंखे यांच्यासह या शेतीला प्रत्यक्ष भेट देवून त्यांच्या श्रमाची कहानी जाणून घेतली.                   श्रमाचा महामंत्र:      या तिन्ही शेतकऱ्यांचे जीवन म्हणजे मातीचे अधिष्ठान आणि घामाचे तीर्थ आहे. ते दररोज या कठ...
Read more

स्थानिकांच्या सोबतीनेच रोजगार निर्मिती ; प्राचीन कोकण, मॅजिक गार्डननंतर ‘मैत्रेयी हँडीक्राफ्ट’

Image
      कोकण! जिथे नारळी पोफळीच्या बागा, काजू आंबा फणसाच्या रांगा अशा रांगांमधून होणारे सूर्यास्त दर्शन मनाला भुरळ घालते. निळ्याशार समुद्र, हिरव्यागार डोंगररांगा अशा या सौंदर्याने नटलेल्या कोकणात ‘इथे काम मिळत नाही..काम करायला माणसे मिळत नाहीत’ असा सर्वसाधारण संवाद ऐकायला मिळतो. पण, ही नकारात्मकता झुगारुन याच मातीतल्या माणसांच्या मेहनतीवर गणपतीपुळ्याच्या भूमीत वैभव सरदेसाई यांनी पर्यटनस्थळ उभारणीबरोबरच स्थानिकांच्या हाताला एक नवी कला दिली आहे. स्थानिक माणसांच्या सोबतीने किंबहुना त्यांच्या मेहनतीवरच प्राचीन कोकण, मॅजिक गार्डन या प्रकल्पानंतर लाकडी खेळणी बनविणारा ‘मैत्रेयी हॅडीक्राफ्ट’ हा प्रकल्प सुरु केला आहे.    प्राचीन कोकण-गणपतीपुळे मंदिरापासून अवघ्या काही अंतरावर अवघ्या तीन एकर जागेत 500 वर्षापूर्वीचे कोकण कसे होते हे जिवंत केले आहे. अगदी सुरुवातीलाच गुहेच्या आतमध्ये प्रवेश करण्यापूर्वी सध्याचा कालखंड आणि गुहेतून पुढे प्रवास केल्यानंतर जुने कोकण अनुभवायला मिळते. येथील झाडांची सवर्णन करणारी पाटी केवळ माहिती देत नाही, तर त्या झाडासोबतच्या ...
Read more

स्वप्नापलिकडची एव्हरेस्ट वारी..भाग - ३ काठमांडूहून लुकलाकडे..

Image
      विमानतळाच्या आतमध्ये भगवान गौतम बुद्धांची सोनेरी रंगातील अत्यंत देखणी, आकर्षक मूर्ती लक्ष वेधून घेत होती. तिच्यासमवेत छायाचित्रं टिपून आम्ही सामान घेवून विमानतळाच्या बाहेर आलो.        ज्या 'करवीर हायकर्स'च्या माध्यमातून हा ट्रेक आम्ही सर्वजण करत होतो, त्याची संचालक आणि आमच्या पथकाची नेतृत्त्व करणारी कस्तुरी ही आधीच एक दिवस काठमांडूत आलेली.      वयाच्या २१ व्या वर्षी एव्हरेस्ट सर करणाऱ्या आणि जगातील मृत्यूचा पर्वत अशी ओळख असणारा 'अन्नपूर्णा' पर्वत पार करणारी जगातील सर्वात तरुण कस्तुरी सावेकर हिच्या मार्गदर्शन आणि नेतृत्त्वाखाली आमची ईबीसी मोहीम प्रत्यक्षात उद्यापासून सुरु होणार होती. पुढील १५ दिवस संपूर्ण नियोजन नेपाळमधील 15 पीक अॕडव्हेंचर चे योगेंद्र तमांग हे करणार होते. शिवाय प्रशांत तमांग हे 'गाईड' च्या भूमिकेत असणार होते.         ही सर्व मंडळी आमच्या स्वागतासाठी विमानतळा बाहेर आलेली. योगेंद्र यांनी आणलेले झेंडूचे हार आमच्या प्रत्येकाच्या गळ्यात घालून, त्यांनी अनोखे स्वागत क...
Read more